«Fabergé eggs». ինչպես են հանրահայտ նմուշները ոգեշնչել դիզայներներին
«Fabergé eggs» ասվածը ոսկերչական իրերի շարք է՝ ստեղծված 1885-ից 1917 թվականներն ընկած ժամանակահատվածում՝ ցարական ընտանիքի և այլ գնորդների համար:
Հանրահայտ նմուշների հեղինակը ռուս ականավոր զարդագործ, «Ֆաբերժե» ընկերության հիմնադիր Կառլ ֆաբերժեն է։
Կառլ Ֆաբերժեն և նրա ընկերության ոսկերիչներն առաջին ձուն ստեղծել են 1885 թվականին։ Այն պատվիրել էր ռուս կայսր Ալեքսանդր 3-րդը՝ կնոջը՝ կայսրուհի Մարիա Ֆյոդորովնային՝ Զատկի կապակցությամբ անակնկալ նվեր անելու համար:
Անակնկալը 6,5×3,5 սանտիմետր չափսերով, կենտրոնում ոսկեզօծ շերտ ունեցող էմալապատ սպիտակ ձու էր: Ձուն ներսում ոսկե «դեղնուց» ուներ, որի մեջ էլ գտնվում էր ոսկե հավիկը՝ ցարական ոսկե թագի փոքրիկ կրկնօրինակով (Ֆաբերժեն այստեղ օգտագործել էր «մատրյոշկայի» սկզբունքը):
Արքայական պատվերից հետո Ֆաբերժեն հայտնի է դարձել:
Ամեն տարի թագավորական ընտանիքը Զատիկի տոնին «Ֆաբերժե» ընկերությունից ձվեր է գնել, իսկ Կառլ Ֆաբերժեն դարձել է արքունիքի ոսկերիչը:
Տաղանդավոր զարդագործն ամեն անգամ ձվի դիզայնը գաղտնի էր պահում և արդյունքում՝ պատրաստում յուրօրինակ նմուշներ:
Յուրաքանչյուր ձվի պատրաստումը, փաստացիորեն, մեկ տարի էր տևում։
Ձվերի ստեղծման մեկնարկային փուլում պատրաստվում էին էսքիզները, այնուհետև աշխատանքում ներգրավվում էր ոսկերիչների ողջ թիմը։
Ֆաբերժեի թիմում ընդգրկված են եղել տարբեր ազգերի ներկայացուցիչներ (օրինակ՝ 24 վարպետից 14-ը Ֆինլանդացի է եղել):
Կայսերական ձվերի համբավը ողջ աշխարհում այնքան մեծ է եղել, որ ընկերությունը կատարել է նաև անհատական պատվերներ (հայտնի է անհատական պատվերի 15 օրինակ)։
Այսօր Ֆաբերժեի հանրահայտ նմուշները արվեստի գլուխգործոց են համարվում և ոգեշնչման աղբյուր հանդիսանում տաղանդավոր դիզայներների համար:
Ստորև ներկայացրել ենք դիզայներական հավաքածուներ և նմուշներ, որոնք ոգեշնչված են Ֆաբերժեի լեգենդար ստեղծագործություններով:
Chanel, աշուն-ձմեռ 2019
Balmain, աշուն-ձմեռ 2012
Alexander McQueen, աշուն-ձմեռ 2013
Mary Katrantzou, աշուն-ձմեռ 2011
Margiela, աշուն-ձմեռ 2014
