«Met Gala»-ն և աստղային ամենատպավորիչ լուքերը

May 7, 2024 - 12:30

May 7, 2024 - 13:00

«Met Gala»-ն և աստղային ամենատպավորիչ լուքերը

Այսօր՝ կեսգիշերին, Նյու Յորքի Մետրոպոլիտեն թանգարանում տեղի ունեցավ նորաձևության աշխարհի ամենասպասված միջոցառումներից մեկը՝ «Met Gala»-ն կամ Կոստյումի ինստիտուտի պարահանդեսը:

«Met Gala»-ն ամենամյա դրամահավաք միջոցառում է՝ Մետրոպոլիտեն արվեստի թանգարանի՝ Կոստյումի ինստիտուտի համար։

Բարեգործական միջոցառում լինելուց զատ՝ «Met Gala»-ն նաև նորաձևության հեղինակավոր միջոցառում է, որի Կարմիր գորգը քննարկվում է ոչ պակաս, նույնիսկ՝ ավելին, քան Օսկարինը։

Կոստյումի ինստիտուտի այս տարվա ցուցահանդեսը կազմակերպիչներն անվանել էին «Քնած գեղեցկուհիները. արթնացնելով նորաձևությունը»․ այն նվիրված էր նորաձևության պատմության հազվագյուտ նմուշներին:

Ցուցահանդեսի շրջանակում ներկայացված էր շուրջ 250 նմուշ՝ Կոստյումի ինստիտուտի մշտական հավաքածուից։

Ցուցադրված նմուշները ներկայացնում էին նորաձևության պատմության վերջին չորս հարյուրամյակը և պատկանում էին այնպիսի բրենդների, ինչպիսիք են Dior-ը, Schiaparelli-ն, Givenchy-ն և այլն։

Dress code-ի՝ այս տարվա թեմատիկան

«Met Gala»-ի՝ դրեսս կոդի այս տարվա թեմատիկան էր «Garden of Time»-ը («Ժամանակի այգին»)․ թեմատիկայի ընտրությունը կատարելիս կազմակերպիչները ոգեշնչվել էին անգլիացի գրող Ջեյմս Գրահամ Բալլարդի՝ 1962 թվականին գրված համանուն պատմվածքից։

Միջոցառման աստղային ղեկավար-կազմը

Միջոցառումը, ինչպես միշտ, ղեկավարում էր ամերիկյան «Vogue»-ի գլխավոր խմբագիր Աննա Վինտուրը, իսկ համանախագահների ցանկում էին Ջեննիֆեր Լոպեսը, Զենդեյան, երգիչ Բեդ Բաննին և դերասան Քրիս Հեմսվորթը:

Աննա Վինտուրը «Met Gala»-ն նախագահում է 1995 թվականից և մեծ դերակատարում է ունեցել միջոցառման հեղինակության բարձրացման հարցում։

Ո՞վ կարող է մասնակցել «Met Gala»-ին

Հեղինակավոր միջոցառմանը մասնակցում են նորաձևության, երաժշտական և կինոաշխարհի, ստեղծարար ոլորտի ամենահնչեղ անունները։

Միջոցառմանը մասնակցում է շուրջ 450 աստղ, սակայն մինչ գլխավոր երեկոն, մասնակիցների անունները հույժ գաղտնի են պահվում։ Մասնակից աստղերի թվում, անշուշտ, կան անուններ, որոնք գրեթե միշտ ներկա են գտնվում (Ռիհաննա, Մադոննա, Ջիջի Հադիդ և այլն):

Այսպիսով՝ որո՞նք էին այս տարվա «Met Gala»-ի ամենատպավորիչ լուքերը՝

Zendaya in Maison Margiela by John Galliano